1.03.2021 | 13:09 ***
ԱԺ հանձնաժողովը փակ ռեժիմով կքննարկի Ադրբեջանում պահվող գերիների վերաբ...
Աֆղանստանում ոչնչացրել են «Ուզբեկստանի իսլամական շարժման» պարագլխին
Աֆղանստանի անվտանգության ուժերը «Ուզբեկստանի իսլամական շարժում» միջազգային ահաբեկչական կազմակերպության պարագլուխ Ազիզ Յուլդաշին ոչնչացրել են երկրի հյուսիս-արեւմուտքում գտնվող Ֆարյաբի նահանգում: Այդ մասին, ինչպես տեղեկացնում Է «Արմենպրես»-ը, հաղորդել Է պաշտպանության նախարարությունը:
«Ազիզ Յուլդաշը՝ «Ուզբեկստանի իսլամական շարժման» պարագլուխն սպանվել Է, նրա որդին՝ Հիքմաթը, Աֆղանստանի անվտանգության ազգային ուժերի (ANSF) գործողությունների արդյունքում վիրավորվել Է Ֆարյաբի նահանգի Գորմաչի շրջանում:
Ազիզ Յուլդաշը մասնակից Է ահաբեկչական հարձակումների եւ հյուսիսային նահանգներում աֆղանցիների զանգվածային սպանության»,-ասվում Է գերատեսչության հաղորդագրության մեջ:
Ընթացիկ տարվա հուլիսին Անվտանգության դաշնային ծառայությունը (ԱԴԾ) հաղորդել Էր, որ Մոսկվայում, Նովոսիբիրսկում եւ Կրասնոդարի երկրամասում ուժայինները դադարեցրել են «Ուզբեկստանի իսլամական շարժման» միջտարածաշրջանային կառույցի գործունեությունը, 22 մարդ Է ձերբակալվել նրա պարագլուխներից եւ շարքային մասնակիցներից, որոնք կոչ են արել ահաբեկչական բնույթի հանցագործություններ կատարել, հավաքագրել եւ զինվորագրված անձանց են տեղափոխել մարտական գործողությունների գոտիներ, ֆինանսավորել Սիրիայի ահաբեկիչներին: ԱԴԾ-ի հատուկ գործողությունն անցկացվել Է ՆԳ նախարարության եւ Պետական գվարդիայի մասնակցությամբ, հաղորդել Է ՌԻԱ Նովոստին:
Հավանեցի՞ք նյութը, կիսվեք ընկերների հետ։
Կարող եք կիսվել Ձեր տպավորությամբ
| 0 | 0 | 0 | 0 | 0 | 0 |
?>){kind=logo}
